Svefnpokaviðgerð

[1705655689]

Veit einhver um hvar er hægt að láta skipta um rennilás á svefnpoka. Er með eðal RAB dúnpoka með ónýtum rennilás og vantar nauðsynlega að láta laga hann.
kveðja

[2006753399]

senda hann beint út til framleiðanda, yfirleitt gert við flest að kostnaðarlausu í útlandinu.

[1506774169]

Hefurðu tékkað á Seglagerðinni? Þeir eru í því að skipta um rennilása á ótrúlegstu hlutum.

[0304724629]

Oft er hægt að gera við rennilása án þess að skipta þeim út.

Ég lét Seglagerðina skipta um rennilás á retró 40 gömlum skíðapoka frá tengdó. Það kostaði 10.000 kall! Það fannst mér rán. Og bara einfaldur saumur en ekki tvöfaldur eins var. Hinsvegar hafa þeir gert við segl á skútunni fyrir okkur og það var vel gert. Kannski ekki góðir í fínni vinnu? Hvað með saumavinnustofur og flinkar húsmæður? Myndi frekar veðja á það ef hægt er að fá góðan rennilás en ég held að það sé hægt að kaupa þá eftir máli í ýmsum litum hjá Seglagerðinni.

rok

[1506774169]

Ég kannaði með að skipta um rennilásana tvo á innra tjaldi í North face VE-25. Þeir vilja fá 18-20 þúsund fyrir það. Telst líklega ekki svo ódýrt

[2006753399]

…senda hann beint út í viðgerð til framleiðanda… það er eina vitið. Það er yfirleitt of dýrt að láta gera við búnaðinn heima ef hann er ekki framleiddur þar.

dæmi um búnað sem ég lét gera við núna í vetur:

-marmot svefnpoki orðinn kaldur eftir mikla notkun, fékk 50% afsl. af nýjum.
-arc’teryx bakpoki með ónýtum rennilás á loki og slitinn á axlarólum, fékk nýjan bakpoka.
-g3 snjóflóðastöng með slitnum vír, gert við frítt.
-Barryvox Opto (6 ára gamall) ýlir sendur í viðgerð til sviss. Mjög góð þjónusta hjá Safalin sem sendi ýlinn beint út í viðgerð en ýlirinn var dæmdur ónýtur og ekki í ábyrgð lengur.

semsagt… senda allt út í viðgerð nema þú eigir sand af seðlum, það borgar sig yfirleitt.

Kveðja frá vesturströndinni,
-R

[1506774169]

Ætli maður geti sent north face tjald út til framleiðanda og látið skipta um rennilása?

[gulli]

En hvað kostar að láta senda þetta út? Er það ekki á þinn eigin kostnað?

[2006753399]

Sendingarkostnaður getur fallið beggja vegna, stundum borgar maður fyrir að senda út og þeir send frítt tilbaka. Ef þú ert með t.d. búnað fyrir ekki nema 50þ kall, þá má sendingarkostnaður vera mjög hár til að það borgi sig ekki að senda hann í viðgerð.

Hvort það borgi sig að senda eitthvað út, myndi ég telja að það færi eftir stærð hlutanna, ef þeir eru stórir / þungir þá borgar sig klárlega að geyma þá fyrir næstu utanlandsferð eða senda með einhverjum.

Svo skiptir líka máli hvar þú keyptir þá, MEC í kanada borgaði t.d. í fyrra fyrir heimsendingarkostnað á mec-jakka frá íslandi í viðgerð sem var í ofanálag frí (ónýtur rennilás). Hefði kostað þúsundir heima ef það hefði þá verið hægt yfir höfuð þar sem margir snerta ekki þessa (drasl) vatnsheldu rennilása.

Almennt þá virðist vera auðveldara að fá viðgerðir vestanhafs þar sem þjónustan er betri. Gummi – sendu email á NF og tékkaðu á því, annars eru þeir hjá tjaldborg á Hellu oft góðir í tjaldaviðgerðum.

kv
-R

[Björgvin Hilmarsson]

Held að málið sé bara að tékka á Dóra í Fjallakofanum, hann er með meirapróf á rennilása.

[1705655689]

Ég var búinn að leita að saumakonu hér á svæðinu og einnig að tala við Tjaldborg. Þar á bæ sögðust menn eiga eðal fíberpoka en ég aþakkaði þá. Málið er að þetta er nú 15 ára gamall poki en fyrir utan rennilásinn í toppstandi. Kannski er reyndandi að meila á RAB og eða tala við Dóra.
takk fyrir svörin
kv Bárður

[Author]

Posts