Stardalur og Tindfjallaskáli – Ari Trausti

[0312487369]

Ekki á ég marga daga að baki í Stardal og þeir eru meira að segja langt að baki. En ég er alveg klár á því að fjölbreytni eigi að vera varðandi boltun og boltaleysi þegar kemur að klifursvæðum. “Tískan” sveiflast og sum svæði eru í lægð um tíma. Líka eru sveiflur í áhuga klifrara á tækni og meðan margir hafa meiri áhuga á sportlegu hliðum klifurs en fjallamennskuhliðunum er ekkert athugavert þótt einhver svæði, þar sem hefðbundinna trygginga er krafist, séu lítið sótt. Við eigum bæði að bera virðingu fyrir sögunni og “gömlu svæðunum” og taka sveiflunum með ró. Það er hollt að til séu hefðbundin klifursvæði á borð við Stardal til að fjallamennskuhliðunum verði sinnt þegar áhuginn er meiri en minni. Þess vegna á ekki að bolta leiðir þar – hvorki nú né síðar. Nóg er af leiðum til að bolta og kynna og það er flestum nauðsynlegt að æfa náttúrulegar tryggingar – gott að hafa þróað svæði til slíks nærhendis á höfuðborgarsvæðinu.

Tindfjallaskáli er þess virði að hann sé varðveittur og notaður. Ástand hans er að verða bágt og nú á 60 ára ártíð hans er við hæfi að t.d. Ísalp, FÍ ofl. taki höndum saman og komi honum í gott horf, líkt og gert var 1968 (þá af Fjallamönnum sem enn voru við lýði sem félag). Við höfum rætt þetta bræðurnir (synir Guðmundar frá Miðdal) og Egill arkitekt er til í að leggja fram fagvinnu. Hver ætlar að hafa frumkvæðið?

[3110665799]

Frumkvæðið getur vel komið frá mér ef áhugi er fyrir hendi! Þó með þungri undiröldu frá stjórn og ykkur bræðrum. Hef nú svona verið að klappa greyinu endanfarin ár.

Kveðja Valgeir.

[Author]

Posts