- This topic is empty.
-
Posts
-
Þrír göngumenn lentu í sjálfheldu í vestanverðum Grýtuhryggnum í kvöld.Voru að lokum hífðir upp í gæsluþyrluna.
Svona til fróðleiks þá er Grýtuhryggurinn venjulega farinn þegar snjólítið er á leið upp á Litlheiði og svo upp með Skerjunum að Goðasteini á Eyjafjallajökli
Grýtuhryggurinn er næsti hryggur vestan við Grýtuna (ranglega nefnd Grýtutindur á sumum kortum). Skv. korti sem ég sá seint í kvöld þá voru ferðalangarnir komnir í sjálheldu á þekktum stað. Þetta er nokkuð þekkt úr smalamennsku. Leiðin út úr þessu er venjulega að fara upp aftur og upp á háhrygginn. Annars veit ég lítið hvers konar sjálfhelda þetta í raun var.
Hringdi austur að Stóru-Mörk sem er örfáa km. frá þessum stað. Bændur og björgunarsveitarmenn þar könnuðust ekki við að hafa verið kallaðir út. Hins vegar voru sérfræðingar frá Hvolsvelli og Hellu sem líklega aldrei hafa gengið eða smalað þennan hrygg komnir á svæðið.
Skerjaleiðin á Eyjafjallajökul er allt of fáfarin en hún er á allan hátt skemmtilegri en að ganga frá Seljavöllum.
Kv. Árni Alf.
P.S. Af hverju var ég ekki kallaður út? Ég sem allt veit.
Þetta er góð spurning Árni minn. Það fer engin í skó heimamanna þegar kemur að míkróleiðarvali og ætti því að vera eðlilegt og sjálfsagt að ráðfæra sig við þá. En ætli það verði ekki haldin samráðsfundur þeirra sem komu að þessu mikla útkalli og niðurstaða hans “að hafa samband við heimamenn … sér í lagi Árna frá Stóru-Mörk… fyrir næstu leit”. Kannski verður niðurstaðan skrifuð á A4-blað. Tel þó litlar líkur á að nokkuð breytist… ekki fyrr en utanaðkomandi fagaðilar fara að taka einhvers konar “lögreglu” skýrslur og kafa ofan í kjölinn á ástæðum og eðli. Reyndar held ég að þetta verði aðeins leyst með óháðri “Rannsóknanefnd óbyggðaslysa eða björgunarmála” eða einhverju slíku líkt og tíðkast í umferðarslysum, sjó- og flugslysum. Þá komumst við kannski á næsta stig.
Þetta vill alltaf verða einhver hvítþvottur þegar menn rannsaka eigin mistök. Landsbjorg heldur nú orðið einhverja rýnifundi og væntanlega er einhver skýrsla skrifuð. Eru þessar skýrslur aðgengilegar hinum almenna félagsmanni?
Suðurjöklasvæðið, en innan þess fellur Þórmerkursvæðið, er mér sérstaklega hugleikið. Þarna er mikið um útköll. Mér eru hugleikin öll útköllin á svæðinu þar sem fólk hangir utan á bíl á kafi í einhverri ánni. Þeir sem komast fyrstir á staðinn og hafa öflugustu tækin eru aldrei kallaðir út.
Leitin á Sólheimajökli s.l. haust er mér hugleikin. Einnig fólkið sem varð úti á Fjallabaki fyrir tveimur árum.
Hugmynd Jón Gauta er mjög áhugaverð og ætti að skoða nánar.
Kv. Árni Alf.
P.S. Alveg eins gott að ræða þetta hér því spjallþráður Landsbjargar hefur verið óvirkur í mörg ár. Dálítið sérstakt hjá jafn öflugu apparati og Landsbjörg er. Kannski best að þegja allt í hel.
Get alveg tekið undir þessar hugleiðingar, það eru klárlega vandamál með hvenær og hvaða sveitir, hópar o.s.f. eru boðaðar út og ég held að það leysist ekki endilega hérna á spjallborðinu, það verða auðvitað allaf einhver mistök en það eru haldnir rýnifundir en mín tilfinning er að þetta sé bara skrifað niður á blað sem að hverfur ofaní einhverja skúffu.
- You must be logged in to reply to this topic.