Ís aðstæðu

[1811843029]

Sælt veri fólkið

Smá fréttir af ís aðstæðum. Ég og Arnar Felix renndum í Hvalfjörðinn í dag. Þar voru líka fleiri á ferðinni. Við kíktum á Múlafjall sem var ekki alveg komið í ham svo við fórum í Brynjudal og inn í Flugugil. Þar er ansi mikið af ís í fljótandi formi. Við enduðum á að fara eina stutta leið framarlega í gilinu sem ég veit ekki hvað heitir en annars er lítið um klifur aðstæður þar eins og er.

[Arnar Jónsson]

Stundum þegar lítið er að finna af ís Múlafjalli og Brynjudal en þó búið að vera ágætis frost svona snemma veturs er oft vel þess virði að trítla inn að Glymsgili. Hef nokkrum sinnum fundið nóg af ís þar þegar lítið er að finna af honum í nágreninu.

En þar sem þú náttúrulega sérð ekkert frá veginum inní gilið þá er það alltaf nokkur áhætta

P.s. Hvað er að frétta af Eilífsdal? Sáum að hann var allur að koma til síðustu helgi.

Kv.
Arnar

[Skabbi]

Hæ

Ef ég ætti að veðja á e-ð um helgina væri það Villingadalur, liggur töluvert hærra en hin svæðin og oft verið prýðilegur ís þar þegar annað hefur verið dræmt.

Allez!

Skabbi

[gunnaratli]

Vorum nokkrir í Villingadal í gær, fínar aðstæður

[Bergur Einarsson]

Fór með Jósef úr Hafnarfirðinum og gerðum fræðilega úttekt á því hvort ekki sé hægt að klifra Spora í einni 60 m spönn með því að sleppa fyrsta stallinum. Maður kemst upp en ekki alla leið að nýja boltanum í toppnum.

Fórum einnig línuna í þrönga gilinu NV við spora í mjög skemmtilegum og landslagsmiklum ís þó að hann hafi verið þunnur á köflum.

Maður veit ekki alveg hvernig lægðin í gær fór með þetta en það var töluverður ís í Spora þannig að væntanlega er nóg eftir.

[1811843029]

Fór einhver að skoða ís í bíðunni í dag?

[Arnar Halldórsson]

Ég fór ásamt Birgi Blöndahl í Spora sl. laugardag. Ísinn var þokkalegur og var ég eingöngu með 16 cm skrúfur sem gengu flestar alla leið.

Spori ætti að vera í góðum aðstæðum næstu helgi.

Hils,
Arnar

[1811843029]

Við fórum þrír í Múlafjall í dag. Það vantar dáldið uppá margar leiðirnar en sumar eru í góðu lagi.

Við fórum Rísanda. Ísinn var mjög stökkur,kertaður og brattur en lítið mál að tryggja. Leiðin var talsvert erfiðari en venjulega, en mjög skemmtileg.

Myndir hér: (það vantar reyndar alveg myndir úr annarri spönninni)

http://www.facebook.com/album.php?aid=95093&id=1283765201&l=b51870f753

Kv.
Atli Páls.

[Author]

Posts