Hrútsinn

[1606805639]

Hrútsfjallstindaferð Ísalp var farin á laugardag og voru þátttakendur fjórir. Við fórum Hafrafellsleið áleiðis á Vesturtind og hófst gangan rétt fyrir miðnætti á föstudagskvöldinu. Gengið var framhjá Efri- og Fremri-mönnum og haldið áleiðis uppeftir hryggnum að Sveltisskarði. Veður var nokkuð kalt og gekk á með smábyljum en fólkið vel klætt og skætt. Skyggnið upp á Vesturtind var ágætt til að byrja með en minnkaði aðeins þegar á leið og hríðarmugga hófst upp úr kl. 3 um nóttina. Þegar upp í Sveltisskarð kom var einn úr hópnum þegar snúinn við vegna smálasleika en hinir ákváðu hinir að athuga með áframhaldið. Hryggurinn síðasta kastið að Sveltisskarðinu var þá orðinn þakinn lausum snjó ofan á harðara undirlagi og virtist brekkan ofan við Sveltisskarðið svipuð. Í stuttu máli var hér kominn minnsti grunur um snjóflóðahættu og leið okkur ekki vel með þróun mála. Vísbendingarnar voru líka fleiri; smáspýjur voru hér og hvar utan í Hafrafellinu en þó ekkert alvarlegt. Hvað um það. Hrútsi fékk að njóta vafans og við ákváðum að snúa við í 1140 m hæð. Þegar í bílinn kom var veðrið orðið betra og hélst þannig næstu þrjá tímana á meðan við fengum okkur blund eftir níu tíma næturgöngu. Tveim tímum síðar var komin rigning á láglendinu.

Það var út af fyrir sig leiðinlegt að komast ekki á tindinn, en það breytir því ekki að þetta varð gæðamikill fjallatúr og hópurinn stóð frammi fyrir álitamáli í miðjum leiðangri og tók samhljóða ákvörðun. Það skilaði öllum heilum heim.

Þátttakendur voru:
Atli Jósefsson
María Dögg Tryggvadóttir
Sigurjón Svavarsson
Örlygur Steinn Sigurjónsson

[1704704009]

Loggaði mig inn undir röngu en fallegu nafni hér að ofan. Fyrirgefðu Villý mín.

[Author]

Posts