Færi á hnjúkinn

[Sissi]

Langar að vara við því að í gær var skafrenningur á hnjúknum og í Sandfellsleið voru stórar sprungur huldar og sást ekkert í þær. Einnig var talsverð snjókoma í norðanátt sem skóf í fleka og gæti verið snjóflóðahætta í suðurhlíð hnjúksins.

Sissi

[1508563459]

Þakka þér kærlega fyrir þessar ábendingar, þetta er mjög þarft að heyra fyrir alla fjallamenn.

Kv Hermann Valsson

[Anonymous]

Ég fór með nokkuð stóran hóp upp Virkisjökl leiðina. Það er skemmst frá því að segja að ég hef aldrei séð jafn mikið að sprungum á leiðinni þetta snemma. Það er ein massíf sprunga c.a. 1 km fyrir ofan Kaffiklett(hægt að sneiða framhjá henni með því að ganga nálægt Hvannadalshryggnum) og fórum við í línur þar og full ástæða til. Þaðan upp að Neðri Dyrhamri voru nokkrar minni lumskar sprungur. Við hliðina á Dyrhamri voru nokkrar sprungur en í bröttu brekkunni við efri endann á Efri Dyrhamri voru tvær massífar sprungur og við erum að tala um sprungur c.a. 1-2 m á breidd og a.m.k. 10-15 metra djúpar í það minnsta. Það er ennþá frekar auðvelt að velja hentugan stað til að komast yfir þessar sprungur á snjóbrúm en ég veit ekki hvað verður ef það fer að hitna verulega. Utan í Hnjúknum sjálfum virtist snjórinn vera að fjúka í rifskafla og get ég ekki séð að það hafi verið tiltakanlega mikil snjóflóðahætta þar nema meiru hafi kyngt niður eftir að við vorum þar á laugardagsmorguninn. Utan í sjálfum Hnjúknum voru þessar venjulegu sprungur en það var ekki að sjá að þær væru neitt óeðlilega opnar og djúpar eins og var að sjá þarna neðar. Ég skrapp upp á Efri Dyrhamar og var mjög gott færi á hann. Bara labbaði upp í göngubroddum með tvær klifuraxir. Því miður var skyggnið ekki gott svo ég þarf að koma þarna aftur í betra skyggni og njóta úsýnisins.
Olli.

[0801667969]

Verð að taka undir með Sissa og Olla. Lexía þessarar helgi og reyndar þeirrar þar á undan er að sprungur eru meirháttar vandamál á öllum leiðum á Hnjúkinn.

Kv. Árni Alf.

[Author]

Posts