- This topic is empty.
-
Posts
-
Hérna í Bláfjöllum hefur kafsnjóað á annan sólarhring og virðist ekkert lát á. Undir er glerhart snjólag svo snjóflóðahætta er mjög mikil.
Hér þarf sko engar snjóframleiðsluvélar heldur eingöngu snjógirðingar til að grípa allan þennan massa snjó sem gæti þá enst fram á vor.
Kv. Árni yfirpatrol
Mér skilst að það kosti ca. 50 milljónir á ári að reka 10 snjóbyssur. Fyrir hluta af þessum milljónir má landmóta og girða ansi mikið hér á svæðinu. Þanni mætti tryggja opnun allan veturinn á ÖLLU svæðinu frá hausti og fram á vor. Með öllu svæðinu á ég við Kóngsgilssvæðið, Suðursvæðið og Eldborgarsvæðið.
Ég er hræddur við að ef farið verður út í snjóframleiðslu strax þá verði ekki til peningur til að sinna öðru en Kóngsgilinu. Engin uppbygging (landmótun, snjógirðingar, endurnýjun á lyftum) yrði á hinum svæðunum.
Þá er einfaldlega orðið of lítið pláss til að skíðafélögin með sínar æfingar og mótahald og almenningur geti verið á sama tíma á svæðinu. Slíkt skilar sér bara í færri opnunardögum fyrir almenning.
Snjóframleiðsla virðist lífsnauðsynleg fyrir Hlíðarfjall og fleiri staði fyrir norðan því þar er úrkoma af skornum slammti. Lítil snjókoma eða lítill snjór er ekki vandamál í Bláfjöllum. Vandamálið er að vegna veðurhæðar þá sest snjórinn ekki á rétta staði.
Undanfarna vetur hefur oft verið farið út í það ýta eða keyrar þessum snjó langar leiðir, aðallega úr einu almennilegu snjógirðingunni á svæðinu. Slíkt er mjög dýrt. Með hræódýrum snjógirðingum við allar skíðaleiðir má breyta þessu og spara stórfé.
Kv. Árni þvergirðingur
Árni tók mig og Björk í smá sightseeing á toppi Bláfjalla í liðinni viku. Hafi ég einhvern tíman efast um gildi snjógirðinga þá geri ég það pottþétt ekki lengur!
Hinsvegar er ég efins um snjóframleiðsla geri svo góða hluti í Bláfjöllum. Getur ekki einhver veðurfræðingurinn flett því upp hve marga daga yfir veturinn frost sé nægt til að búa til snjó? Og þá þarf hvort sem er girðingar til að sá dýrindis snjór fjúki ekki út í hafsauga.
Svo má velta fyrir sér kostnaði, umhverfisáhrifum og nýtingu…Annars er hér uppi á Hellisheiði allt að snjóa í kaf og hvort ef ekki að mannvits-gámurinn minn sé í snjóflóðahættu.
Snjógirðingamál í Bláfjöllum hafa komið upp hérna nokkrum sinnum en segðu mér Árni; ef þetta er svona augljóst og ódýrt, af hverju er ekki búið að gera þetta? Hver ræður þessu eiginlega? Á ISALP ekki bara að yfirtaka Bláfjöll og redda málunum?
Af hverju er ekki löngu búið að gera þetta? Ég get ekki annað en skrifað þetta á yfirgengilega heimsku allt saman. Þetta virðist vera blanda af vanþekkingu og metnaðarleysi.
Ég er ennþá að reyna að skilja hver ræður hér ríkjum. Það er ekki svo gott að skilja það.
Snjóframleiðsla hefði engu breytt í Bláfjöllum hvað varðar opnun. Hins vegar var framleiddur snjór í Hlíðarfjalli í einn og hálfan mánuð við ágætis aðstæður áður en opnað var almenningi.
Kv. ÁRNi
- You must be logged in to reply to this topic.