Anna María, Íslenska, dýrafræði og kostningar

[Karl]

Anna María Lind Geirsdóttir skrifar:
“Svo vil ég koma með einn íslensku tungu punkt:
Við erum öll FJALLAMENN en skiptumst í fjallaKARLA og fjallaKONUR. Ég skil ekki að karlmenn afkynji sig svo að þeir séu bara kallaðir menn, þetta er eins og með hesta. Þeir sem eru bara hestar “they got no balls.”

e.s. En þetta þýðir þó ekki að allir kk séu eins og Karl okkar Ingólfsson. “

Tja,….
Veit ekki alveg hvar ég á að byrja….
Detur helst í hug þjóðsagan þegar bóndasonurinn sagði: “Þarna brölta tveir fjallamenn yfir hrygginn”.

Ég skil þessa setningu þannig, að þarna hafi bóndasonurinn komið auga á 2 stk dýrategundarinnar Homo Sapiens í fjallgöngu. Setningin gefur ekkert til kynna um kyn þessara ferðalanga en gefur hinsvegar afdráttarlaust til kynna að þarna hafi verið á ferðinni tveir menn en ekki td 1stk maður og 1stk hundur eða þá kanski tveir nautgripir..

Samkvæmt pólitískri rétthugsun nútíma kvenrembna gæti þessi setning hljómað á þessa leið.
“Þarna brölta annað hvort hvort tveir fjallakarlar, eða tvær fjallakonur eða þá fjallakarl og fjallakona (fjallkona er annars eðlis og skautbúningur hentar illa í fjallamennsku) yfir hrygginn.”

Sannkallað gullaldarmál.

Ef ég man rétt, þá var Vidís Finnbogadóttir (“forzeta” (geri ég ráð fyrir)) önnum kafin við að planta trjám og brýna fyrir landsmönnum skilning á hugtakinu “maður”. Samkvæmt Vigdýsi var það hafið yfir allan vafa að konur væru menn (eins gott! -annars er hætt við að maður hefði lengi lagt stund á “dýrasex”).

Ekki veit ég betur en allir félagar Ísalp séu af tegundinni Homo Sapiens (Dóri Kvaran skráði ekki einu sinni Hugó í klúbbinn) og mun ég því nota hugtakð “fjallamaður” eins og áður. Skiftir það eingu hvort kostningar séu í nánd.
Margir góðir menn bjóða sig nú fram og geri ég ráð fyrir að stjórn verði vel mönnuð. Ég lýsi yfir sérstökum stuðningi við Sveinborgu og þykir miður að fleiri konur hafi ekki lýst yfir framboði.

Góðar stundir

[1704704009]

Það munu vera hátt í hundrað konur í þessum tæpum 500 manna klúbbi. Ég tek hjartanlega undir með þér Kalli varðandi framboðin. Ég hvet enn og aftur konur í klúbbnum til að stökkva fram og lýsa yfir framboði. Það er nægur tími enn.

[0607625979]

Mér sýnist þú Karl vera sammála mér þó þú misskiljir mig ( viljandi eða óviljandi)
Það er nóg að tala um fjallamen.

Það er bara orðið svo algengt að kynjunum sé skipt í menn og konur og mér finnst alveg óþarfi að afkynja karlana.

[0801667969]

Ef ég man rétt þá sýna nýlegar ritrýndar rannsóknir að Y litningurinn (karl er XY en konur XX) sé á fallanda fæti og muni hugsanlega hverfa í náinni framtíð. Þessi litningur er óttalega lítill og ræfilslegur samanborið við aðra litninga t.d. X litninginn. Karlkyns ÍSALP félagar munu því hugsanlega hverfa áður en langt um líður.
Þessi þróun mun væntanlega einfalda ýmis vandamál í nútíma samfélgi t.d. launmisrétti en ég er ekki viss um að það verði neitt skemmtilegra að lifa.

Kv. Árni Alf.

[0801667969]

Má minna á það í þessu samhengi að við séum öll “Fjallamenn” er að Eyfellingar voru og vonandi eru (sem flestir) kallaðir Fjallamenn þegar þeir komu út fyrir sína heimabyggð. Maður undan Eyjafjöllum á sléttum Landeyjanna eða í Flóanum er ekki eins og hver annar maður. Hann er Fjallamaður; maður undan Eyjafjöllum. Hverjum dettur í hug að kalla Landeyjinga Fjallamenn? Jafnvel austur í Mýrdal þar sem eru há fjöll og hrikaleg gil þá eru Fjallamenn Fjallamenn og Mýrdælingar Mýrdælingar.

Kv. Árni Alf.

[Author]

Posts