Aðstæður

[0902703629]

Einhvern tíman þótti Ísalp-félögum nauðsynlegt að segja fréttir og fá fréttir af aðstæðum á landinu. Hér á eftir fara nokkur orð af aðstæðum hér fyrir norðan.

Skíðadalur og Svarfaðardalur
Á fimmtudagsmorgun voru engar aðstæður til skíðaiðkunar en ís í aðstæðum, efast þó um að það standi enn, þar sem hér sem annarsstaðar hefur verið um og yfir 10 stiga hiti undanfarna daga.

Dalvík og nágrenni (utar í firðinum)
Snjór frá toppi hæstu tinda niður í sjávarmál, sólbráð og frábært færi til vorskíðunar.

Hvalvatnsfjörður, Kaldbakur og nágrenni
Snjór frá toppi hæstu tinda niður í sjávarmál. Skinnaði frá afleggjara (Hvalvatnsfjarðar) við Grenvík á einhvern hnjúkinn við Leirdalsheiðina, topp-brekka í topp-aðstæðum. Sé mest eftir því að hafa ekki rifið gömlu góðu fjallhífina með þar sem sunnanáttin var nokkuð stíf, hefði getað tekið nokkra tinda og kannski jafnvel lent í einhverjum togaranum úti fyrir miðum svona í leiðinni. Austur hlið Kaldbaks er alveg hvít en aðeins minni snjór í vestari hluta Hvalvatnsfjarðar.

Sjáumst í brekkunum,
Kristín

[Author]

Posts