Skútuskíðaferð – tilboð til Ísalpara

Við hjá Borea Adventures á Ísafirði gerum út stærstu seglskútu á Íslandi sem við notum á vorin í skíðaferðir í Jökulfirði. Einhverjir Ísalparar hafa komið með og upplifað herlegheitin en í raun alltof fáir. Því langar okkur að bjóða Ísölpurum sem áhuga hafa að koma með í megadílferð fyrir páska. Lagt verður úr höfn mánudaginn 6. apríl og komið í land föstudaginn 10. apríl. Þetta eru því einungis þrír vinnudagar því fimmtudagur er skírdagur og svo föstudagurinn langi. Það er ávallt mikið stuð á Ísafirði um páskana; Skíðavikan og svo auðvitað Aldrei fór ég suður sem er stanslaust tónlistarpartí frá föstudagskvöldi fram yfir miðnættti á laugardag. Hér er því upplagt tækifæri til að slá tvær flugur í einu höggi.

Verð: 90.000
Innifalið er auðvitað leiðsögn, allur matur og drykkir (líka áfengir en bara í hæfilegu magni!) og almenn skemmtilegheit.

Ísalparar hafa í gegnum tíðina ekki látið sig muna um fleirihundruðþúsunda leiðangra til Fjarskanistan. Slíkt er kannski minna sexí þessa dagana og frábær skíðaferð innanlands á örugglega meira við.

Ef einhverjir vilja koma seinna t.d. í maí, þá má örugglega skoða það í rólegheitum.

Endilega kíkið á myndir á http://www.boreaadventures.com og assgoti flott vídjó hér: http://www.facebook.com/home.php?#/video/?oid=34594529614

Skoðið sérstaklega Backcountry skiing in Hornstrandir

kv
Rúnar Karlsson
Borea Adventures
869 7557

P.s. ég fékk leyfi hjá formanninum til að pósta þessu. Takk Freysi.