- This topic is empty.
-
Posts
-
nokkur eintök af gamla leiðarvísinum fannst um daginn og hefur verið komið í klifurhúsið þar sem hann fæst keyptur.
kv.Smári
Ohh hvað ég hugsaði wankernum sem rak okkur í burtu af gamla stígnum í Valshamar þegjandi þörfina í dag. Þessar 20 auka mín upp+niður skipta nú svolitlu máli þegar maður er að skjótast eftir vinnu og reyna að fá eitthvað út úr þessu.
Bendi fólki líka á að það þarf að leggja bílunum inni í beitarhólfi, og þeir sem hafa umgengist hesta vita eflaust að þeir elska að naga spegla og gluggalista og nudda lakk af bílum, þannig að það er eins gott að vera vel á verði ef þeir fara að sýna ökutækjunum athygli. Ég byrjaði daginn á að smala þeim hæfilega langt í burtu áður en ég þorði í klettinn.
Ég hélt að rétturinn til að komast leiðar sinnar væri frekar sterkur í íslenskum lögum, hugsa sér að það taki bara einn fýlupúka til að búa til svona mikið bögg fyrir helling af fólki.
Fúlt.
Sissi
Hefur það verið kannað hvort sveitarfélagið eða Vegagerðin hafa e-h sett pening til lagningar eða viðhalds þessa vegar?
Ef það hefur e-h tíma verið sett opinbert fé í veginn þá er óheimilt að loka honum nema að fara í þungt ferli sem m.a. þarf að auglýsa sérstaklega og þar á almenningur kost á að gera athugasemdir við fyrirhugaða lokun.
Ef ekkert opinbert fé hefur farið í veginn þá hefur landeigandi allt að segja um umferð.
Leiðin sem var farin áður fól í sér að það þurfti að labba yfir þar sem nú stendur sumarbústaður.
Persónulega skil ég alveg að sumarbústaðaeigendur séu ekki að fíla að það hafa fullt af fólki alltaf að labba yfir lóðina hjá sér.
Það er mikið um innbrot í sumarbústaði og það að læsa hliðinu er ein leið til að koma í veg fyrir slíkt.
Það var talað um að reisa girðingu í kringum bílastæðið til að koma í veg fyrir að hestar skemmi bílana. ÞaðÞað er þá eitthvað sem við þurfum að ganga í.
Sumarbústaðareigendur eru að vilja gerðir að finna sameiginlega lausn á þessu með okkur. Mér finnst þessi lausn ekkert svo hræðileg, það er fín upphitun að labba upp brekkuna.Björk, þú ert bara Pollýanna
Væri ekki um að ræða að krækja fyrir lóðina, alveg eins og er gert með neðstu lóðirnar? Nema engin hækkun, engin hross, þægilegra undirlag, betri vegur, betra bílastæði og miklu styttra?
Sýnist skv. þessari fundargerð af Kjós.is að þeir hafi passað sig á þessum vinkli sem Kalli nefnir, eða hvað haldið þið?
“4. mál, héraðsvegir
Formaður lagði fram eftirfarandi erindi frá oddvita:
Með vísan til Vegalaga nr. 80/2007 8. gr. lið c um héraðsvegi hefur Sumarhúsafélagið Valshamar í Eilífsdal óskað eftir að vegur frá Eyrarfjallsvegi að hliði að sumarhúsasvæði verði tekið í tölu héraðsvegar.
Er óskað eftir að nefndin taki afstöðu til erindisins.
Afgreiðsla;
Nefndin telur að á grundvelli Vegalaga þar sem segir að þar sem fleiri en 30 sumarhús séu í hverfi sé heimilt að taka slíka aðkomuvegi að hverfi á héraðsvegaskrá.
Samþykkt að vísa erindinu áfram til hreppsnefndar.”
Minnti bara að það væri alltaf umgengnisréttur um land, til að komast á staði sem menn þyrftu að komast á, t.d. mætti alltaf fara í gegnum eignarland til að komast niður í fjöru osfrv. Gildir ekkert slíkt þarna?
Veit að sumir sumarbústaðareigendur þarna eru ekki par hrifnir af þessum stælum, hitti t.d. Óla Júl þarna í gær sem varaði mig við hestunum og ekki hélt hann nú að Víðir væri sérlega hrifinn af þessu.
Klifrarar og sumarbústaðareigendur á svæðinu voru búnir að vera í ágætis sambýli sjálfsagt í einhver 30 ár, síðan þarf bara einn púng til að henda okkur út í móa. Ég er kominn vel á fertugsaldur og á bara ekkert í svona brekkur lengur
Kveðja,
SizGrein um umferðarrétt og skotveiðar frá 1998 sem mér fannst fróðleg lesning:
http://www.skotvis.is/index.php?option=com_content&task=view&id=190&Itemid=64
ég fíla þessa setningu í niðurlaginu:
“…en um leið má ekki gleyma því að almannaréttur til umferðar og til að njóta náttúrunnar, er einnig sjálfsögð mannréttindi sem ekki ber að skerða né takmarka að ástæðulausu “
Þetta virðist líta þannig út að ef:
1) einhverntíman hafi verið settur peningur eða vinna í þennan veg af öðrum en sumarbústaðareigendum sé heimil umferð um hann eins og Kalli segir OG
2) að menn megi labba um utan girðingar eins og þeir vilja (er ekki einhversstaðar hægt að komast milli girðinga þarna?)
Ekki það að ég sé að hvetja til leiðinda og kann að meta þá vinnu sem stjórnin hefur lagt í þetta, skiltið, stikur, viðræður ofl.
Mig langar bara að fræðast meira um það hvaða rétt þessi kappi hafði til að hrekja klifrara á SV horninu út í hrossagirðingu. Væri fróðlegt að vita þetta ef Stardals- eða Hnappavallabóndinn fara að selja sumarbústaðarlóðir á einhverjum tímapunkti.
æi ég held samt að það sé betra að reyna að vinna þetta í góðu í stað þess að vera með leiðindi.
Í Noregi eru þeir að berjast við einn landeiganda og þessu máli er víst ekki lokið enn.
Ég skrifaði þetta mér til gamans í fyrra – svona fróðleikur fyrir hina og mér þykir þetta athyglisvert mál.
“Helstu klifursvæðin á Íslandi eru inná einkaeign. Það að fá að klifra á þessum svæðum og að bolta leiðir (bora inn festingar í klettinn) er gert með leyfi ágætra landeiganda og í raun ekkert sjálfsagt að fá að gera þetta.
Á einu klifursvæði í Noregi, Kanalen í Grimstad, hefur ákveðinn landeigandi sagt stopp. Ekki nóg með það að hann hefur bannað klifur í klettunum heldur hefur hann fyrirskipað að taka skuli alla bolta úr klettunum. Fyrsta leiðin þarna var boltuð árið 1990 og var þá boltað með leyfi þeirra landeiganda og hafa ca 80 leiðir verið boltaðar. Núverandi landeigandi keypti landið 1994 og sagði víst aldrei neitt fyrr en nú í maí.
Norskir klifrarar vilja meina að hann geti ekki tekið niður leiðir sem voru gerðar með leyfi fyrri eiganda og eru að vísa í einhver “friluftslivloven” sem er eitthvað um útivist og aðgengi fólks til þess. En einhvern veginn held ég að réttur landeiganda sé ansi sterkur og geti í raun gert það sem honum sýnist. Í raun líka alveg skiljanlegt að hann vilji ekki hafa haug af emjandi klifurum fyrir utan nýja húsið sem hann var að byggja og ætlar að flytja inní í sumar. En mikið skilur maður gremju klifraranna.Held að þetta sé ágætis áminning um að ganga vel um íslensk klifursvæði, gera hlutina í samráði við landeigendur og haga sér vel. Það er nefnilega ekki úr svo mörgu að moða.”
Held að þetta snúist núna um það hvort að nýr landeigandi geti tekið til baka það sem fyrri landeigandi gaf leyfi fyrir.
Sem betur fer er hvergi svona statt á Íslandi en ég vil samt vinna svona mál í sátt við landeigendur og ekki gaman að vera með leðindi. Verðum að horfa á málin frá öllum hliðum.
Ja, engu að síður. Á síðunni sem K-Mart linkar á er talað um að umgengnisréttur sé alveg ótvíræður utan girðingar, og ætti í raun að vera rýmri um óræktað, girt eignarland samkvæmt eldri réttarheimildum. Fróðlegt að vita þetta, hvort sem menn acta á þessu eða ekki.
Kannski er lausnin bara sú að kanna hvort viðkomandi er að fjármagna þetta á erlendu láni, þá getur klúbburinn keypt þetta á yfirtöku + 500 þúsund kall í gluggakistunni í haust, skellt fínum ísalp stigum yfir báðar girðingarnar, jafnvel boðið öllum upp á espresso
Siz – sem hefði ekki tekið því þegjandi heldur þegar við gáfum eftir Jan Mayen
Tek undir með Björk; Það er betra að vinna þetta í sátt með landeigendum. Spurning um að girða af gott bílastæði svo enginn lendi í tjóni vegna hestanna.
kveðja
Helgi BorgHæ
Mér finnst það ekki hafa komið nógu vel fram í þessari umræðu að meginástæðan fyrir því að ný leið að Valshamri var valin er sú að veginum um sumarbústaðalandið er læst á kvöldin. Ófáir klifrarar hafa brennt sig á þessu undanfarin tvö sumur. Til stendur að læsa veginum allan sólarhringinn. Bæði landeigandi og formaður sumarbústaðaeiganda staðhæfa að vegurinn um sumarbústaðalandið sé einkavegur sem þeim sé frjálst að læsa að vild, enda sé það gert til að verja bústaðina frekari gripdeildum.
Vissulega var það til að ýta frekar við stjórninni að nýjir bústaðir voru byggðir á gamla stígnum sem tilheyra óbilgjörnum eiganda, en að okkar mati var óumflýjanlegt að finna nýja leið að klettinum sem klifrarar hefði óheftan aðgang að.
Auðvitað er mönnum frjáls að stinga sér inn á sumarbústaðasvæðið og þræða í kringum nýju bústaðina en þá þýðir heldur ekki að kvarta ef menn læsast inni og eru skammaðir af Skúla fúla.
Hopp Schweiz!
Skabbi
- You must be logged in to reply to this topic.