Grafarfoss…

Ég og Róbert fórum í gær, sunnudag, í Grafarfoss. Lenntum í rigningu og hættum við eftir ömurlegustu, blautustu og ómerkilegustu spönn sem ég hef klifrað. Líkara væri að lýsa þessu sem klifur í lóðréttum krapa heldur ísfossi.

Vanilluís?

Var á Akureyrinni í jólafríi með frúnni.
Skellti mér við þriðja mann að klöngast í ís að Munkaþverá. Flottu leiðirnar norðan og austan megin í gilinu voru ekki í aðstæðum en styttri (<10m) og léttari leiðir voru þokkalegar að sunnan.
Kíkti upp í Vaðlaheiði og þar var Tönnin í þokkalegum gír sýndist mér (gafst ekki tími í að fara upp að henni) og Ís með dýfu var skítþokkalegur en þó þynnri en tönnin. Viðmælendur mínir höfðu ekki fregnir af aðstæðum í Köldukinn.
Ísboulderaði í Glerárgili í góðum ís í stuttum leiðum.
Sá töluvert af vel þykkum línum í Hörgárdal og Öxnadal á leiðinni suður þannig að þetta er mest allt komið í góðan gír á Norðurlandinu…