Ísklifurfestival

Ég ætla að vera svo frakkur að leggja til að forráðamenn Ísklifurfestivalsins endurskoði afstöðu sína varðandi staðsetningu á Ísklifurfestivalinu. Ég legg til að ef verðu heldur áfram eins og verið hefur undanfarið að fyrsti kostur verði Skaftafell(Öræfasveitin) og annar kostur verði Haukadalur. Ég veit að það væri mjög gaman að hafa þessa klifurhátíð okkar í Köldukinn og gaman að vera öll á sama stað EEEEEN það stendur til að nokkrir útlendingar verði meðal klifrara og ég tel að það verði ekki næg krefjandi verkefni í Kinninni þar sem aðstæður verða örugglega þannig að þarna verður orðin mikil íssöfnun þannig að leiðir eru ekki eins brattar og krefjandi og einnig að þar er sáralítið un möguleika á mixuðu klifri(eins og ákveðinn útlendingur er sérfræðingur í). Möguleikar á nýjum leiðum í Öræfasveitini virðast vera endalausir en á móti kemur að aðkoma verður erfiðari og hópurinn verður dreifðari. Ég er alveg viss um að þeir sem koma hér til lansins gagngert til að klifra vilja alveg örugglega eiga möguleika á að klifra nýjar leiðir og kippa sér ekki upp við það að þurfa aðeins að labba. Í Haukadalnum mundi hópurinn einnig tvístrast en þar eru leiðir til sem eru það erfiðar að þær mundu verða verðugir kostir fyrir útlendinga til að glíma við. Ég hef persónulega ekkert á móti Köldukinn en er að hugsa um þetta yrði betri kostur fyrir alla þó ég vildi gjarnan koma niður úr klifurleið og fara beint í heita kjötsúpu í Nanook tjaldinu eins og um árið.