- This topic is empty.
-
Posts
-
Ágætu félagar.
Fyrir hönd uppstillinganefndar er nú minnt á að aðalfundur Ísalp er eftir 24 daga og ekki seinna vænna en að minna áhugasama félaga sem hafa áhuga á að bjóða sig fram í stjórn klúbbsins um að láta vaða.
Það er nefnilega gaman að vera í stjórn Ísalps.
Ýmist má senda erindi hér á umræðusíðurnar eða póst til happors@gmail.com.
Í þessari uppstillinganefnd er undirritaður ásamt Stefáni P. Magnússyni og Ágústi Þór Gunnlaugssyni.
Tekist hefur að tryggja framboð í öll stjórnarsæti nema tvö.
Að lokum skýt ég að þeirri hugmynd að þeir/þær sem þegar hafa ákveðið að bjóða sig fram til áframhaldandi stjórnarsetu, ríði nú á vaðið og geri framboð sitt heyrinkunnugt á umræðusíðunum. Til að skapa stemmningu í aðdraganda aðalfundar.
Með alúðarkveðjum.
Gaman að þú skulir mynnast á framboð.
Reglum um framboð var breytt verulega á síðasta ári.
Gott væri að nýu lögin væru auglýst eða byrt á vef ÍSALP eins og stjórn lofaði á þessum “margmenna” fundi þar sem þau voru samþykkt.kv.
Pallisæl
búið að er að setja lögin í frétt og jafnframt eru þau komin á sinn stað hér á síðunni, undir um Ísalp hér niðri. Hvet alla til að lesa þau og kynna sér reglur um framboð, lagabreytingar og aðalfund.
Lögin voru líka auglýst vel fyrir aðalfundinn með greinargóðum skýringum á þeim breytingum sem áttu sér stað.
Það eru liðin tvö ár síðan ég var körinn formaður Íslenska alpaklúbbsins og því þarf að kjósa um það embætti á komandi aðalfundi.
Ég hef fullan vilja til að starfa áfram fyrir ísalp og bíð mig þess vegna fram aftur til formanns.
Bestu kveðjur og sjáumst sem flest á aðalfundi.
Freyr Ingi
Hæ
Ég hef verið í stjórn Ísalp undanfarin tvö ár sem ritari. Stjórnir síðustu tveggja ára hafa áorkað ýmislegt gott en mörg verkefni bíða óleyst. Ég hef því ákveðið að bjóða mig fram til áframhaldandi stjórnarsetu í eitt ár í viðbót á komandi aðalfundi.
Sjáumst þá.
Allez!
Skabbi
Kæru kammeratar. Ég hef ekki gerst svo frægur að sitja í stjórn Ísalp en ef ykkur hugnast svo þá breytist það á næsta aðalfundi. Ég hef nefnilega ákveðið að bjóða mig fram.
Þar sem maður er nú á leiðinni heim og stefnan tekin á að vera helaktífur í ferða- og fjallabransanum, þá finnst mér tilvalið að skella mér í stjórn og hafa þá eitthvað að segja um það hvernig málin þróast hjá Ísalp.
Fyrir þá sem mig ekki þekkja þá hef ég verið meðlimur í Ísalp um nokkurt skeið, haft kletta- og ísklifur sem aðaláhugamál undanfarin ár og er harðkjarna náttúrusinni.
Fjallamennskuáhuginn er ekki að gera neitt nema ágerast svo það er um að gera að nýta hann og alla umframorkuna í að vinna að framgangi fjallamennskunnar á sem flestum sviðum.
C’yah!
– bh
- You must be logged in to reply to this topic.