Gisting á ísfestivali

Gistimál eru að komast á kortið á festivalinu og áfram er unnið að þeim. Taldi rétt að setja út strax það sem komið er. Þetta er líka skrifað í dagskrá festivalsins. (Þegar þessi orð eru skrifuð eru góðar aðstæður í Kaldakinn að sögn Jóns Marínós. “Stekkjastaur nær niður,” eru orð Norðanmanns og nánar verður fylgst með ís og gefin skýrsla strax.)

Gistimöguleiki I: Björg (nokkurra mín. akstur að klifursvæðinu) Gistirými: Allt að 20 manns ef einhverjir láta sér nægja að henda sér á gólfið með tjalddýnur undir sér. Kostnaður: 1.500 kr. nóttin miðað við 20 manns.

Gistimöguleiki II. Tjöldun utan við húsið með aðgangi að mataraðstöðu í húsinu, klósetti og kvöldvöku. Tjald er ókeypis gisting eðli málsins samkvæmt en sanngjarnt væri að tjaldbúar myndu greiða 500 kr.pr/dag fyrir aðstöðuna að því gefnu að þeir kjósi ekki að gista í húsinu þótt pláss sé. Ef einhver er í tjaldi á meðan húsið er fullt: 0 kr.

Fleiri gistimöguleikar eru í könnun, en óvíst er enn um verð þar. Það verður til lykta leitt eftir því sem fjöldinn fer að skýrast. Þeir fyrstu 20 sem skrá sig eru með gistingu að Björgum frá og með fimmtudagskvöldinu 22. feb.