Olli kominn með augastað á nýum hring.

Ég???!!!! Er það?

Svo það sé á hreinu þá hef ég ekki augastað á hring heldur leið frá A til B en nokkrir framtaksamir Akureyringar hafa haft samband við mig á síðustu dögum og hafa þeir í huga að gera Glerárdalshringsgöngu af árvissum viðburði(svona eins og Reykjavíkurmaraþonið er fyrir Reykvíkinga) þar sem fólk kæmi og reyndi við leiðina. Þeir ætla að gera þetta í samráði við hjálparsveitir á staðnum þannig að fólk þurfi nú ekki að ganga alveg fram af sér heldur geti gengið hluta úr leiðinni og hvílt sig í Lamba. Það eru hugmyndir um að hjálparsveitarmenn hitti göngumenn á nokkrum fyrirfram ákveðnum stöðum og fylgi þeim sem þreyttir eru eða sárir niður í Glerárdal í Lamba á meðan hópurinn heldur áfram. Mér fannst þetta frekar galin hugmynd til að byrja með en núna finnst mér þetta bara mjög snyðug hugmynd hjá þeim og hef ákveðið að verða við beiðni þeirra um að leiða hópinn svona fyrsta árið. Það er fínt að nota þetta sem æfingu fyrir stærri verkefni.