- This topic is empty.
-
Posts
-
Hvernig var fyrirlesturinn hjá honum Leifi frá Peak Lenin?
Leiðinlegt að hafa misst af honum, sérstaklega í ljósi þess að framboð fyrirlestra/myndasýninga er ekki í offramboði hér á klakanum.
Hefði ekki mátt senda út email á póstlistann þar sem þetta var auglýst með svona skömmum fyrirvara. Tel ég mig nú vera frekar tíðan gest á síðum ísalp, en þetta fór alveg framhjá mér.
Eru menn með einhverja fleiri sýningar af þessu tagi í handraðanum, innlendir sem erlendir?
kv.Himmi
Já, markaðssetninginn var víst ekki upp á marga fiska fyrir þessa sýningu.
En Himmi þetta veltur nú allt á þér þar sem þú stendur í reglulegum bréfaskriftum við öll stóru nöfnin í bransanum!
Annars fór ég á myndasýningu hér í baunalandi á dögunum. Ansi ríflegt hús sem þeir heiga hérna í Down Town Köben bræður okkar í danska fjallakúbbnum (líklega nefndur eftir Himmelbjerget, og því ekki alpaklúbbur).
Í öllu falli var sýningin nokkuð áhugaverð (veit reyndar ekki hvað var verið að tala um, helv. danska). Það voru hinsvegar mikil vonbrigði að bjórinn var seldur. Þætti slík hegðun líklega hreinasta hneyksli í okkar ágæta klúbbi! Reyndar var verðinu líklega still eitthvað í hóf eins og telst til siðs í þessu landi. Ég veit hinsvegar ekki hvað það var, ég var of móðgaður til að láta bjóða mér upp á að borga fyrir bjórinn, þó þetta sjá bjerg- en ekki alpa-klúbbur.
Myndasýningin fjallaði hinsvegar um ferð 4 dana til Kína, um miðjan vetur til að klifra ís. (einhverjir kunna að minnast greinar í Climbing um sama svæði). Danirnir skemmtu sér vel. En eins og fyrverandi (umdeilanlega)Elitu hr…gikk sæmir gat ég ekki látið hjá líða að dæma aðeins klifurtaktana. Ég er ansi hræddur um að danirnir vinni okkur líka í ísklifrinu ef eitthvað var að dæma myndirnar, en reyndar bara í kvennaflokki (hjúkk!).
Skrambi góðir samt, miðað við að hæðsti punkturinn í landinu er brú!
Annars skemmtileg stemming í klúbbnum. Þetta var eins og að fara aftur um nokkur ár og vera kominn á Grensásinn. Nokkrir Pallar, Ollar og Kallar spígsporuðu um og sögðu sögur. Og svo var þarna líka hægt að sjá ófáar Önnu Lárur (þá fyrri). Ívarar og Hjaltar grúfðu sig yfir klifurblöðinn og Einhverjir Spánverjar af yngri kynnslóðinni hlupu um klæddir í Prana og LaSportiva.
Gaman að svona kúbbastemmingu! Er ekki annars bráðavaktin í sjónvarpinu á miðvikudögum?Kv. Softarinn (mýkri og mýkri)
Sælir
Má til með að plögga smá í þessu samhengi!
Útivera í samvinnu við ÍFLM stendur fyrir heljarmikilli myndasýningu, frá a.m.k. sex nýlegum ferðum Íslendinga (flestra félaga í ÍSALP) á erlend fjallasvæði í sumar og haust, þann 29. nóvember næstkomandi.
Herlegheitin verða í stóra salnum á Hótel Nordica og hefjast klukkan 19.30 og standa til kl. 23.00.
Þetta verður allt kynnt nánar í næsta tölublaði Útiveru sem kemur út 20. nóvember næstkomandi.Já… ef þið eigið ísalptengtefni sem á erindi á síður Útiveru … þá hikið ekki við að senda mér línu.
Kv, Jón Gauti jongauti@utivera.isÍsalp fékk á silfurfati ekki ómerkari menn en Huber bræðurnar ( http://www.huberbuam.de/ ) til að halda fyrirlestur hér á landi um miðjan Des, en því miður var áhuginn ekki f. hendi frá stjórn til að svo sem lyfta litla fingri, þrátt f. ítrekaða pressu.
Sportvöruverslunin Útilíf sá sér ekki einu sinni fært að styðja smá við fjallamennsku á Íslandi til að geta haldið þennan “smá” viðburð f. fjallamenn.
Klifurhúsið hikaði ekki við að svara því að þeir myndu leggja allt sitt af mörkum til að ná þessu fram, en það dugði því miður bara f. helmingnum af útgjöldum, því varð úr að tilkynna þurfti þessum mætu mönnum að áhuginn á þeim væri ekki meiri en svo að….hopefully we can pull it out next season.
Félagsmaður í Ísalp sá sér ekki fært að taka fjárhagslega ábyrgð á að fá þessa menn til landsins, skiljanlega, þrátt f. mikla vinnu sem lögð var í það að finna smugu í að fá þá til landsins í annars þétt skipaðri dagskrá sinni.
En gaman að heyra að þeir standi sig vel á flatlendinu, og að þú skemmtir þér þarna úti.
kv. Gimp
Við látum ekki Huber harmleikinn endurtaka sig. Hilmar, þú stóðst þig vel með silfurfatið en ekki varð neitt úr neinu – hvað sem síðar verður.
Aðeins varðandi sjónarmiðin um kynninguna á Leifi Erni og Leníntindi, þá virðist sem tilkynninging berist Ísalp með ansi þröngum fyrirvara. Það er síðan álitamál hvort sýningin hefði verið send út í fjölpósti, eins og hún kom fyrir, enda var þetta öðrum þræði búð sem var að auglýsa vörur sínar. Ég nota helst ekki fjölpósta Ísalp í því skyni. Hvorki Útilíf né Útivera fengu slíka þjónustu undanfarin en hins vegar var sjálfsagt að segja frétt um hvað væri í gangi hjá þeim og eins var með 66 g og Leníntind. Sennilega hefði vel mátt senda fjölpóst um myndasýninguna eina og sér en skera þá kaflann um vörur verslunarinnar burt. Upp úr stendur að ég get tekið undir að kynningin á sýningunni hefði mátt vera eitthvað betri. Þetta skiptir e.t.v. litlu máli héðan af en allt í lagi að reifa þessi sjónarmið.
- You must be logged in to reply to this topic.