Gufunes turninn er í endurlífgun

Ágætu félagar!

Nú eru áreiðanlega eitthverjir farnir að hugsa um að komast í ísklifur æfingar í turninum í Gufunesi. Eins og flestir vita hefur oft gleymst að skrúfa frá vatninu þegar það er frost,það hefur frosið í lögninni, vatnið runnið þegar það er ekki frost og eyðilegt ísinn og svo framvegis. Stundum hefur náðst upp góður ís en því miður ekki nógu oft.

Þetta stendur allt til bóta. Ég er búinn að taka í burtu kranann sem var á lögninni, og er að græja á þetta sjálfvirka loka með hita stýringu. Það virkar einfaldlega þannig að þegar það er frost fer vatnið að renna en þegar það er ekki frost rennur ekki vatn. Það er líka á þessu sjálfvirk tæming, þannig að þegar ekki er rennsli á vatninu tæmist lögnin og þar af leiðandi frýs ekki í henni. Í leiðinni laga ég rörið sem dreifir vatninu á grindina.

Þetta ætti að þýða að ís byggist upp oftar og betur, auk þess að ísinn verður ekki í sturtu þegar það er þíða. Þegar þetta er tilbúið verður rofi á apparatinu, það eina sem klifrarar þurfa að gera er að ýta á rofann, þá hættir rennslið í 2 klst svo fólk þurfi ekki að klifra í sturtu. Eftir 2klst fer vatnið svo sjálfkrafa af stað aftur, svo lengi sem hitastigið úti er fyrir neðan frostmark.

Bottomlænið er að turninn er að fá endurnýjun lífdaga, það tekur smá tíma að græja þetta þannig að örvæntið ekki. Turninn verður kominn í lag, better than ever, innan skamms.

F.h stjórnarinnar,
Atli Páls.