Leiðarvísar

Sælir!
Mig langaði að koma fram með hugmynd að nýjum leiðarvísum. Þar sem að flestir leiðarvísar í dag eru orðnir frekar gamlir og langt síðan þeir voru uppfærðir finnst mér ekki veita af endurbótum á því sviði. Ég var að velta því fyrir mér hvernig mönnum litist á að gefa út leiðarvísa í svona möppum. Sem dæmi gætu tvær möppur verið gefnar út. Ein fyrir ísklifurleiðir og önnur fyrir klettaklifurleiðir. Hver leið eða hvert svæði gæti þá verið á blaði sem væri plastað inn og geymt í möppunni. þá þarf maður ekki að gefa út nýja bók um leið og ný leið er gerð heldur bara nýja innplastaða síðu. Þessar nýju innplöstuðu uppfærslur gætu síðan verið sendir árlega til meðlima ísalp. Kosturinn við þetta er sá að ef að maður fer eitthvert að klifra þá kippir maður bara síðunni út sem að maður ætlar að notast við í klifrinu og þarf ekki að taka bók með sem eyðilegst ef hún blotnar. Annar kostur er sá að hægt er að stækka þetta jafn óðum þannig að byrjunarvinnann við þetta þarf ekki að vera mikil bara redda möppum og kannski örfáum leiðum síðan er alltaf hægt að bæta við.

kv. Tryggvi St.