Belgir og snjór

Áhugavert að skoða þessa skýrslu. Já og merkilegt þetta með að gædinn með belgina hafi grafist mest.

En má maður draga þá ályktun að belgirnir hafi gert illt verra? Held að það sé hæpið. Er það ekki bara eins og að benda á að einhver hafi bjargast úr bíl sem lenti í vatni af því hann var ekki í belti og draga þá ályktun að það sé ekki gott að nota belti almennt?

Eða þá að úthúða bólusetningum (eins og virðist vera í tísku í dag) af því að þær geta haft einhverjar aukaverkanir í för með sér í sumum tilfellum eða hitt einhvern sáralítinn minnihluta illa fyrir þannig að hann hljóti skaða af?

Fyrsta sem mér datt í hug var… vá, djöfull grófst hann mikið. Hversu djúpt hefði hann verið ef hann hefði ekki verið með belgina?

Annars hef ég ekkert pælt í statistík varðandi þessa belgi og veit ekki hvort þeir sé bara hluti af einhverju alsherjar samsæri um að fá skíðamenn til að kaupa eitthvað gagnslaust dót í besta falli sem kostar fullt af monníngum. Efast um það satt að segja.

Þessi Norska skýrsla er að mörgu leiti mjög áhugaverð. Viðbragðsflýtirinn er í raun magnaður. Þyrlan er komin á staðinn aðeins hálftíma eftir að slysið verður og fljótlega eru fyrstu merkin staðsett. Og þrátt fyrir að menn hafi verið grafnir á allt að sex metra dýpi eru allir komnir uppá yfirborð eftir u.þ.b. fjóra tíma.

Og jú belgurinn grefst dýpst… allir eru með ýla…

Þetta undirstrikar bara að það er nánast dauðadómur að lenda í snjóflóði!

Fyrsta og aðal reglan á ferðalögum á fjöllum er einfaldlega að koma sér ekki í þá stöðu að lenda í flóði. Það er auðvitað nógu erfitt en ðll hugsanleg nýjasta tækni sem býðst: ýlar, belgir, avalung og hvað sem er má aldrei verða til þess að menn taki stærri sénsa eða minnki árveknina.

Já, það vantar einmitt helst í skýrsluna eitthvað viðtal við hinn leiðsögumanninn og einhverjar skýringar á þessu leiðarvali?