Breiðdalur

Klifursvæði

Allar upplýsingar um Breiðdal eru fengnar úr leiðavísinum „Breiðdalur“ eftir Sigurð Tómas Þórisson.

Breiðdalur er í syðri hluta Austfjarða og liggur rétt norðan við Berufjörð. Fyrst var klifrað í Breiðdal árið 2007 – Hreindýrafoss og Chocolate Chaud en meirihluti leiðanna voru klifraðar á Ísklifur festivali ÍSALP árið 2008.
Lítill bær að nafni Breiðdalsvík liggur við ströndina norðanmegin í dalnum. Þar er verslun með helstu nauðsynjar og aðrar þarfar þjónustur.
Hægt er að gista í farfuglaheimili Berunes, nokkra km inn eftir Berufirði, sirka 20-40min keyrsla frá klifursvæðunum. Einnig er hægt að hýsa stærri hópa (20-30 manns) í mjög fínum veiðiskála Breiðdals (www.strengir.is/breiddalsa) en hann er einungis 10min frá Tröllhömrum.

Eins og er má finna 25 skráðar leiðir í Breiðdal. Erfiðleikar leiðanna eru allt frá WI3 upp í M10 og lengdir frá 15m upp í 100m+. Flestar leiðirnar snúa í norður og verða því seint sólbakaðar þegar dagarnir fara að lengjast eftir vetrar sólstöður. Tröllhamra og Pálskletta svæðin eru í um það bil 200-300m hæð og haldast því góð lengur en Flögugil, sem liggur við ströndina.
Það eru enn góð tækifæri fyrir nýjar leiðir á svæðinu, nokkrar línur um WI4 í Pálsklettum og nokkrar erfiðar mix leiðir í Flögugili auk stakra leiða og nýjar útgáfur af gömlum leiðum. Einnig er mikið af leiðum í Berufirði sem bíða fyrstu heimsókna.
Chocolate Chaud (M10), í Flögugili, er frægasta leiðin á svæðinu og var mynd af henni framan á tímaritinu Alpinist (Vetur 2007/08, tbl. 22).

M. Múlaklettar

  1. Partýbær – WI 4
    Pylsupartý
    Eurovisionpartý
  2. Kántríbær – WI 3
  3. Menntavegurinn – WI 4

——————————————————

  1. Mér finnst rigningin góð – WI 3
  2. Þúsund sinnum segðu já – WI 4+
  3. Húsið er að gráta – WI 3

B. Tröllhamrar

  1. Vegur viskunar – WI 4+
  2. Launaþrællinn – WI 4+
  3. Stálin stinn – WI 5/ M 6
  4. Svartur afgan – WI 5
  5. Gredda nærri banvæn – WI 4+
  6. Paradísarfuglinn – WI 5
  7. Gerðist snemma þaulkunnur gatinu – WI 5
  8. Flagð undir fögru skinni – WI 3

A. Flögugil

 

  1. Á síðustu stundu – WI 3+
  2. Slow ride – WI 3

—————————————————–

  1. Litlir sætir strákar – WI 3
  2. Allir mínir sjúku órar – WI 3+
  3. Leiðsluboltinn – M 5
  4. Byrja hér – WI 5
  5. Krókódílamaðurinn – M6
  6. Drög að sjálfsmorði – M7
  7. Chocolate Chaud – M10

R. Rauðihryggur

  1. Beljandi – WI 4+
  2. Slöttur – WI 3
  3. Billy hillan – WI 4
  4. Hvítserkur – WI 4
  5. Spaði – WI 4

C. Pálsklettar

Þegar að leiðir 1-7 voru fyrst farnar, þá var vonskuveður. Mikill vindur, spindrift og skortur á yfirlitsmynd olli því að ekki var unnt að staðsetja hver hefði farið hvað. Vonandi greiðist úr þessu í framtíðinni.

Ef að klettabeltinu er fylgt í vestur, áleiðis upp að Breiðdalsheiði er komið að Hreindýrafoss og Á fallandi fæti.

Ef klettabeltinu er fylgt í austur út dalinn er fljótlega komið að sectornum Rauðahrygg, en þær leiðir tilheyra strangt til tekið Pálsklettum líka, þó að þessu sé skipt upp svona til einföldunar.

  1. Lengi er von – WI 4
  2. Spindrift dauðans – WI 4
  3. Ókeypis er allt það sem er best – WI 4
  4. Nóttin hefur augu eins og flugan – WI 4+
  5. Fyrir fallið – WI 4
  6. Dóra-te –
  7. Gleymér –
  8.  KB –
  9. Depill – WI 4

———————————————————–

  1. Hreindýrafoss – WI 3
  2. Á fallanda fæti – WI 4

D. Breiðdalsheiði

  1. Sólókisi – WI 2
  2. Vegbúi – WI 3+

T. Tindar við Breiðdal

Talsvert er af formfögrum tindum sem sjást úr Breiðdal, sennilega eitthvað af þeim alaveg ófarnir.

  1. Tilikum – AD+ AI 3
  2. Stöng 

Meinhornið

Leiðir

Leið merkt sem 36

AD+ 300M. FF: Kristinn Rúnarsson og Þorsteinn Guðjónsson 1985

Krefjandi klettaklifurleið með mjög misjöfnu bergi. Átta spannir. Löng og alvarleg leið, en með góðum megintryggingum. Haldið er upp hægra megin á vestara rifinu, fyrst tvær spannir. Þá er komið undir hæsta klettabeltið. Þar er farið til vinstri yfir gilið með varkárni, en þó hratt vegna hættu á grjóthruni. Á eystra rifinu er farið fyrst upp greinilega gróf á miðju rifinu. Þaðan er rifinu fylgt að háveggnum og síðan upp hann – 3 spannir af III. og IV. gráðu lausu bergi.

 

Klifursvæði Skarðsheiði
Svæði Heiðarhorn
Tegund Alpine

Jónsgil

Leiðir

Leið merkt sem 35

AD+, 300m. FF: Jón Geirsson 1983.

Samfelld og erfið snjó og ísleið. Fyrsta leiðin í norðurhlíð Heiðarhorns. Auðrötuð, en með tveimur lykilhöftum. 5-8 spannir með auðveldara klifri á milli í neðri hluta. Lítið af hvíldarsyllum. Megintryggingar í snjó og ís.
Neðst í gilinu er auðvelt íshaft. Yfir það og upp gilið að 8-10m háum ísfossi (fyrri lykilkafli). Eftir íshaft þar fyrir ofan, er haldið beint upp gilið sem inniheldur nokkur íshöft. Ofarlega er sveigt til vinstri upp á háhluta eystra rifsins. Vinstra megin í því er gróf. Upp hana að háveggnum. Hann er um 40m hár, brattur og er oft með erfiða hengju (seinni lykilkafli.)

 

Klifursvæði Skarðsheiði
Svæði Heiðarhorn
Tegund Alpine

Vesturrif

Leiðir

Leið merkt sem 34.

AD+, 200M. FF: Jón Geirsson, Kristinn Rúnarsson, Snævarr Guðmundsson og Þorsteinn Guðjónsson. 1986.

Skemmtileg klifurleið, erfiðust í efsta hluta. Augljós, 2 spannir upp höfuðvegginn.
Vesturrifinu er fylgt að eigin vali í neðri hluta. Þegar að höfuðveggnum kemur er haldið vestur með að greinilegu snjógili. Fremur neðarlega í því er farið út á rif vinstra megin og upp skorning sem leiðir upp að hengjunni. Yfir hana á léttasta stað.

Klifursvæði Skarðsheiði
Svæði Skarðshorn
Tegund Alpine

Hrollur

Leiðir

Leið merkt sem 33

Gráða AD+ 200M. FF: Björgvin Richardsson, Snævarr Guðmundsson 1983.

Fyrsta uppferð að vetrarlagi í maí 1984 af Björgvini og Óskari Þorbergssyni. Inniheldur V. og VI. gráðu klifur, en 5. og 6. að vetrarlagi. Mjög erfið og alvarleg klettaleið. Fyrsta leiðin í Skarðshorni. Vandrötuð í efsta hluta. Berg laust og skal því klifrað í frostveðrum. 7-8 spannir með slæmum megintryggingum.
Frá hæsta punkti snjóskaflsins undir megingilinu leiða 3-4 spannir upp á miðrifið í Skarðshorni. Því er fylgt vinstra megin, upp undir höfuðvegginn, þá er hliðrun til hægri eftir breiðri syllu um ca. eina fulla spönn. Eftir brölt upp 2 klettabelti tekur við gróf í höfuðveggnum sem inniheldur 6. gr. hreyfingar í efsta hluta. Af mjórri syllu til hægri upp í horn með stefnu til vinstri. Af syllunni þar fyrir ofan er haldið vestur fyrir efsta klettabeltið og upp þar á augljósum stað.

Klifursvæði Skarðsheiði
Svæði Skarðshorn
Tegund Alpine

Austurrif

Leiðir

Leið merkt sem 32

AD+, WI4. 250m. FF: Jón Geirsson, Kristinn Rúnarsson 1985.

Löng og alvarleg snjó og ísleið. Getur verið snjóflóðahætta í megingilinu sem og í undirhlíðum Skarðshorns. 2 spannir upp Austurrifið. Augljós leið í neðri hluta, flókið leiðarval í efri hluta.
Upp meðfram Hnitbjörgum í megingilinu. 2-3 brött íshöft. Efst í gilinu er hliðrað upp á við til vinstri upp á öxlina undir austurrifinu.
Upp vinstra megin á rifinu og upp á snjósyllu á vinstri hönd. Þaðan upp þröngan skorning með hliðrun til vinstri ofarlega og svo upp á brún.

Klifursvæði Skarðsheiði
Svæði Skarðshorn
Tegund Alpine

Dreyri WI 5

Leiðir

Leið merkt sem 31a.

Gráða WI5, 40M. FF: Björn Vilhjálmsson, Páll Sveinsson og Snævarr Guðmundsson, 1987.

Þetta nýja afbrigði gerir Sólei og Austurrif enn fallegri og beinni. Jafnframt því er spönnin erfið og mjög krefjandi. Að öðru leyti vísast til leiðarlýsingar á Sólei og Austurrifi.

 

Klifursvæði Skarðsheiði
Svæði Skarðshorn
Tegund Ice Climbing

Myndbönd

Sólei

Leiðir

Leið merkt sem 31

AD+, WI4. 250M FF: Björgvin Richardsson og Óskar Þorbergsson, 1986.

Sólei er alvarleg og erfið ísklifurleið í eystri hluta Skarðshorns. Með því að tengja hana við efri hluta leiðar nr. 31, Austurrif fæst einhver albesta ísklifurleið á Íslandi (sjá leiðarlýsingar fyrir Dreyra og Austurrif).
Neðri hluti Sólei inniheldur meginerfiðleikana auk leiðarvals í fyrstu spönn. Ísskrúfur eru notaðar í megintryggingar. Hafa skal meðferðis 2-3 bergfleyga. Leiðin er 3-4 spannir, auðveldari í efri hluta.
Úr miðgilinu er haldið upp vinstra megin í fyrstu, upp brött höft og svo upp á við til hægri, undir klettarifið hægra megin við gilið. Eftir það er augljóst ísgil með nokkrum íshöftum, uns það eyðist út í efri hluta og gengur að lokum út á háöxlina undir Austurrifi. Af henni er tilvalið að halda áfram upp rifið eftir leið 31. Að öðrum kosti er hliðrað út undir austurhluta rifsins.

 

Klifursvæði Skarðsheiði
Svæði Skarðshorn
Tegund Alpine

Skarðshryggur

Leiðir

AI3+, 350M. FF: Andri Bjarnason, Freyr Ingi Björnsson, Sveinn Friðrik Eydal Sveinsson, 2015.

Leiðin fylgir NA-hrygg Skarðshorns sem allra mest og byrjar alveg neðst. Flöktir eilítið til að elta áhugavert klifur og góða tryggingastaði. Ekki var sneitt hjá erfiðleikum. Loka kaflinn (hrímið) var klifrað í hálfgerðum spíral frá hryggnum sjálfum til að elta veikleika og tryggingarstaði. Í honum eru mestu erfiðleikar leiðarinnar og fremur slæmar tryggingar.

Klifraðar voru fjórar 40-55m spannir, löng hlaupandi spönn og loks 2 spannir í höfuðveggnum, samtals um 350 metrar. Víða væri hægt að flýja úr leiðinni í gil austan við hana.

Tryggt var með bergtryggingum (hnetur, vinir, fleygar), skrúfum (5 stk., hefðu mátt vera fleiri) og snjóhæl.

sissiskarshorn

 

Mynd eftir Andra Bjarnason.

Klifursvæði Skarðsheiði
Svæði Skarðshorn
Tegund Alpine

Vesturgróf

Leiðir

Leið merkt sem 27.

AD, WI4. 200M. Sirka 2-4klst. FF: Helgi Benediktsson og Arnór Guðbjartsson.

Fyrsta vetrarleið í NV-veggnum. Löng og samfelld ís og snjóleið sem er bröttust í neðsta hluta. Leiðin sameinasta leiðum nr. 24, 25 og 26 undir háveggnum og fylgir þeim seinustu spönnina. Átta til tíu spannir.
Vestan við Rifið (Nr. 26) er gróf eða hvilft sem gengur upp í vegginn. Lykilhluti leiðarinnar er upp 15m langt íshaft í neðri hluta en eftir það er klifrað upp grófina með stefnu til vinstri á háhluta Rifsins. Vinstra megin við rifið er íshaft, bratt og er það seinni lykilhluti allra leiðanna í NV-veggnum.

Á milli Vesturgróf og Rifið liggur leið upp á við sem svipar til Vesturgrófs en söguna vantar.

Klifursvæði Skarðsheiði
Svæði Skessuhorn
Tegund Alpine

Rifið

Leiðir

Leið merkt sem 26.

Gráða III+/-IV, 200M, 1-4klst. FF: Jón Geirsson og Snævarr Guðmundsson.

Fyrsta leiðin sem klifin var í NV Skessuhorns. Ein besta klettaleiðin í Skarðsheiði. Auðrötuð og sígild. Berg er misgott, en telst í heildina þokkalegt til klifurs. Leiðin er átta til tíu spannir með góðum megintryggingum.
Vestan megin í rifinu sem gengur neðst út úr meginveggnum, er greinileg kverk, sem liggur upp á rifið sjálft (III+). Eftir henni að meginveggnum.
Austan megin við rifið er afbrigði (26a), sem hefur verið klifrað að vetri til og vori, þegar snjór nær hátt upp á rifið. Er það greinilegur gilskorningur, eða gangur, auðklifinn í snjó en berg er afar laust. Nær gangurinn að meginveggnum.
Upp meginvegginn er rifinu fylgt og er það auðratað (hreyfingar af III. og IV. gráðu). Þegar háveggurinn (síðustu 40M) er klifinn er farið upp vinstra megin við rifið.

Góð ferðasaga frá fyrstu atrennu á Rifið árið 1979 með Bill Gregory og Birni Vilhjálmssyni finnst í Fréttariti nr 14. frá 1980 en þeir félagar neyddust til að snúa við eftir að hafa neyðst til að bívakka í 12 tíma stutt frá toppnum.

Skessuhorn rifid

Klifursvæði Skarðsheiði
Svæði Skessuhorn
Tegund Alpine

Skessuþrep

Leiðir

Leið merkt sem 25.

AD+, WI4+. 200M, sirka 5klst. FF: Broddi Magnússon og Páll Sveinsson.

Austurgrófin er í raun viðamikil hvilft í veggnum sem gefur kost á fleiri en einni leið. Beinusut og reglulegustu línurnar eru leiðir 24 og 25. Leið 25 er vestar. Lykilkaflarnir eru tvær fyrstu spannirnar en eftir það sameinast hún leið 24.

 

Klifursvæði Skarðsheiði
Svæði Skessuhorn
Tegund Alpine

Eystri gróf

Leiðir

Leið merkt sem 24.

AD, WI4. 200M, 2-4klst. FF: Jón Geirsson, Snævarr Guðmundsson, Kristinn Rúnarsson og Þorsteinn Guðjónsson.

Farið er upp íslænuna austan við leið nr. 25. Tvö íshöft eru í fyrstu spönninni. Áfram upp lænuna og lítið eitt til vinstri, að brattri ísrennu. Upp hana og næsta íshaft, þá með hliðrun til hægri. Þar fyrir ofan er sveigt upp grófina til hægri uns leiðin sameinast leið nr. 26 á áberandi snjóskafli. Upp þá leið.

Klifursvæði Skarðsheiði
Svæði Skessuhorn
Tegund Alpine