Mini-ísfestival?

Jæja, gott fólk.
Þá er komið high-season og allt að gerast.

Ítrekað í haust (og síðustu ár svo sem líka) hefur verið rætt um að það væri markaður fyrir mini-ísfestival í viðbót við árlegt Ísfestival í febrúar.
Yfirbyggingin væri alveg minimal. Klúbburinn myndi bara taka saman fjöldatölur og bóka gistingu á áfangastað (fólk myndi rotta sig saman í bíla og græja eigin aðföng).
Markmiðið væri bara að hópa þessum litlu ísklifurklíkum (og einstæðingum) saman eina helgi einhvers staðar í eina eða tvær nætur og gera gott mót.
Það er sorglega lítið af svona atburðum á vegum Ísalp á hverjum vetri – eiginlega bara Jólaklifrið í des og svo Festivalið í febrúar.
Álitlegir staðir fyrir mini-festival væru t.d. Haukadalur (gisting á Stóra-Vatnshorni), Grundarfjörður (gisting á farfuglaheimilinu í bænum), nú eða eitthvað aðeins lengra í burtu.
Báðir þessir staðir eru líklegir til að vera í bullandi aðstæðum núna og ólíklegt að óveður næturinnar munu hafa mikil áhrif á það.

Væri markaður fyrir að klúbburinn stæði fyrir svona event í desember og/eða janúar og/eða mars (ef aðstæður leyfa)?
Aðal festivalið væri líklega að svara eftirspurninni í febrúar.