- This topic is empty.
-
Svör
-
Einhvern veginn tekst mér ekki að finna hér á síðunni yfirlit yfir efni ÍSALP blaðanna gegnum árin. ÍSALP ritin, ekki síst elstu sneplarnir, eru merkileg heimild yfir helstu leiðir sem farnar hafa verið.
Heyrði í Kalla Ingólfs nú fyrr í vikunni og kom þá í ljós að hann og Tommi Júl. fóru fésið á Hrútsfjallinu í síðla sumars fyrir rúmum 10 árum. Fóru þeir upp seinni part dags. Kalli viðurkenndi að þetta hafi nú ekki endilega verið gáfuleg ferð enda talsvert grjóthrun um þetta leyti dags og árs. Ekki síður merkilegt var að heyra að eftir hálftíma labb upp Svínafellsjökulinn sneri Kalli við og sótti Zúkkuna því greiðfært var á bíl inn jökulinn. Kraft- og/eða keðjuleysi olli því hins vegar að Zúkkuna náði ekki alveg upp frá bílastæði og upp jökulbrekkuna.
Í margumræddri leit um daginn stóð ég og eflaust fleiri í þeirri trú að menn hefðu aldrei farið þarna upp á þessum árstíma. Grein um þessa ferð er víst í einhverju ÍSALP ritinu frá þessum árum.
Kv. Árni Alf.
Sæll
Í ársritinu frá ’93 er heilmikil og afar fróðleg grein eftir Snævarr Guðmundsson. Svo var líka frásögn af ferð þeirra Kalla í einhverju ársriti,man ekki hvaða.
Kv.
Atli Páls.
Mynd af fjallinu
http://www.photo.is/fly/pages/kps0704%20485.htmlTímarnir breitast og fókið með.
Þegar ég fór í mína fyrstu ferð upp á Hrútfellstinda fyrir mörgum, mörgum árum þá var mér tjáð að seinnipart sumars væri besti tíminn til þess.
Ég hef síðan líka farið upp um páska og báðir tímar hafa sína kosti og galla.
kv.
PalliHægt er að skoða yfirlit eldri ársrita undir – Um Ísalp – Yfirlit ársrita.
Hægt er að kaupa allan ársritapakkann á hóflegu verði hjá gjaldkera ÍSALP. Í pakkanum eru einnig eldri blöðin.
Yfirlit yfir elstu ritin er ekki til á netinu. En hver veit nema að maður taki sig til og skelli þeim til stjórnar við tækifæri.
Kveðja,
Stefán Páll
- You must be logged in to reply to this topic.