- This topic is empty.
-
Svör
-
Síðastliðinn sunnudag klifruðum undirritaður, Gulli, Manuela og Robbi í Pöstunum undir Eyjafjöllum. Það væri þó ekki í frásögur færandi nema fyrir þær sakir að við hreinsuðum, boltuðum og klifruðum tvær nýjar leiðir.
Önnur leiðin liggur á horninu hægra megin (austan) við leiðina Vippan og hefur fengið nafnið Testósterón jóga. Erfiðleikinn er á bilinu 5.10a/b. Hin leiðin, Hornafræði alþýðunnar, er hægra megin (austan) við leiðina Sóley og er ca. 5.9.
Upplýsingar um klifur í Pöstunum og leiðarvísi sem Jafet tók saman má finna hér. Athugið að Vippan, leið sem Kristín Martha boltaði í fyrra, er ekki merkt í leiðarvísinum en hún er á móti Heyvagninum á horninu.
Jósef
Frábært að heyra.
Ég klifraði leiðina Vippan um daginn og var að velta fyrir mér hvort það sé komin einhver gráða á hana?
kv.
Ottó IngiVið vorum nokkur sem klifruðum Vippuna í fyrra og mig minnir að 5.10c hafi þótt ásættanleg gráða.
Annars má bæta því við frá Jósef að það á eftir að ganga frá akkerum í báðum leiðum. Einungis einn bolti er hvoru akkeri fyrir sig eins og er en það stendur til bóta.
Glæsilegt.
Gott að fá nýjar leiðir.Bendi þeim sem eiga eftir að munda borvélar í Pöstunum á að hafa Flóðalabba í huga og nefna leið honum til heiðurs.
Draugurinn Flóðalabbi er það sem Pöstin eru frægust fyrir en þessi skrautbúna afturganga særekins sjómanns bjó í Pöstunum. Þar sat hann fyrir ferðalöngum en fyrr á öldum lá þjóðleiðin um brattan stíg í Össuaugum fyrir ofan klettana í Pöstunum. Á þeim tíma rann Markarfljót alveg upp að klettunum. Flóðalabbi var á endanum kveðinn niður „í rassi“ en það er skoran sunnan við klettana þar sem bílum er nú lagt.
Munum eftir Flóðalabba.JVS
- You must be logged in to reply to this topic.