Af frosti fyrir vestan

Nú er svo komið að hausti er tekið að halla og vetur að ganga í garð fyrir vestan, svo ekki er seinna vænna en að brýna skaflajárn og íshaka.
Á sunnudaginn hélt undirritaður við annan mann (í raun tökuson sinn) í leit að ísbrekkum og urðu þeir ekki fyrir vonbrigðum á Óshlíðinni. Þrátt fyrir þunnar aðstæður og að ekki hafi tekist að skrúfa eina einustu skrúfu alla leið, voru feðgar sáttir við daginn. Ekki er laust við að gamla brýninu hafi brugðið við takta sonarins sem þarna var að munda ístólin í annað sinn, fimmtán ár að aldri og ekki að sjá en að efnilegur drengur sé á ferð. Þar sem stafræn ljósmyndun hefur ekki náð fótfestu vestur á fjörðum, verða myndbirtingar að bíða betri tíma.

kv

rok