Myndasýning Danmörku

Sæl öll sömul
Vegna einhverrar misskyldrar landkynningaráráttu hef ég komið mér í það að halda myndasýningu um klifur á íslandi hjá Danska Alpaklúbbnum núna á haustdögum.
Því miður var ég afar seinn til að grípa Digital byltinguna og hef auk þess lítið klifrað á síðustu misserum. Ég á því ekki eins mikið af myndefni á stafrænum eins og ég hefði kosið fyrir þetta verkefni.
Ef ÞÚ átt flottar myndir af Ís eða klettaklifir í handraðanum og er til í að lána þær í þetta eina verkefni þá máttu gjarnan senda mér þær í góðri upplausn á ivarfinn ( hjá ) hotmail.com.
Líklega kemur engum sérstaklega á óvart að áherslan í þessu verður á Ísklifur og sérstaklega ætlaði ég að kynna fyrir baunanum ísfestivalið góða.
Mig vantar því helst myndir af:
Ísfestivölum
Yfirlitsmyndir af svæðum Ís og klettar (Stardal / Hnappó)
Stemmingsmyndir frá ís- og klettafestivölum (kvöldin)

Skíða – ísklifur- og klettaklifur myndir koma sér einnig vel. Sérstaklega þegar myndirnar sýna vel aðstæður/svæði.

Eftir einhverju er að slæðst fyrir okkur hér heima þar sem danirnir eru slatti góðir fjallamenn (lesis 14 / 2 eina ferðina enn). Það gæti því verið fengur af því fyrir okkar klifrarar að mynda tengsli við dani sem hafa svipuð áhugamál. Svo er jú alltaf gaman að fá útlendinga í heimsókn og danir eru góður félagsskapur.

Sem dæmi um getu danana þá eru þeir með danskan Everest leiðangur í bígerð fyrir ´09 og síðasta vetur voru haldnar myndasýningar um danskar ferðir upp Comperssor Route og Eiger Nordwand auk þess sem einn dani skellti sér upp Cassing Ridge nú á vordögum.

Allar myndir verða eingöngu notaðar í þetta verkefni og kynntar sem safn frá Ísalp.

Með fyrirfram þökk,
Ívar F. Finnbogason